تِرے دئیے ہوئے زخموں سے پیار کرتے ہوئے
میں جی رہا ہوں ہر اک حد کو پار کرتے ہوئے
میں دل کی آنکھ سے دیکھوں تِرے سراپے کو
خیال و خواب سے نقش و نگار کرتے ہوئے
عزیز تھا تو مِرے دل کو ایک عرصہ تک
میں غمزدہ ہوں بہت تجھ پہ وار کرتے ہوئے
میں روح تک تِری الفت کی پاؤں گا تاثیر
محبتوں کی حدیں بے کنار کرتے ہوئے
خزاں کے پتوں کی صورت بکھر چکا ہوں معید
بہار زیست کی رہ استوار کرتے ہوئے
جہانگیر معید
No comments:
Post a Comment