کسی کے پیار میں ڈوبا ہوا ہے

 کسی کے پیار میں ڈُوبا ہوا ہے

تبھی وہ گاؤں میں رُسوا ہوا ہے 

سبھی پیاسے کھڑے ہیں ساحلوں پر 

یہ دریا کس لیے ٹھہرا ہوا ہے 

بشر کی شکل میں ہے اک درندہ 

تبھی تو ہر کوئی سہما ہوا ہے

تجھے پہچان لوں میں کس طرح سے 

مجھے تجھ سے ملے عرصہ ہوا ہے

ہنسی چہرے پہ دل میں ہے عداوت 

تِرا چہرہ تو پہچانا ہوا ہے

ملے گی وہ مجھے اک دن یقیناً 

مِری قسمت میں یہ لکھا ہوا ہے

چلایا ہے یہ پتھر کس نے قیصر 

کہ ریزہ ریزہ آئینہ ہوا ہے

امتیاز قیصر