تا عمر محبت کی حسیں شام پہ ٹھہرے
ہم جیت کے ہارے بھی تِرے نام پہ ٹھہرے
یخ بستہ ہواؤں کی نمی سانس میں لے کر
آزاد پرندے تھے تِرے بام پہ ٹھہرے
پہلے تو ورق پر لکھی سادہ سی کہانی
پھر عشق کے ہاتھوں کسی الہام پہ ٹھہرے
دراصل رقیبوں کے لیے خاص تھے در وا
ہم یار کے خادم تھے، درِ عام پہ ٹھہرے
ہم خاک نشینوں کا پتہ لکھ کے بتائیں
مٹی میں محبت کے وہ احرام پہ ٹھہرے
تھے آدھ ادھورے سے کئی رکنِ محبت
ہر رکن کی آشا لیے بے دام پہ ٹھہرے
وشال سحر
No comments:
Post a Comment