حروف ابھرے ہوئے ہیں اُداس چہروں پر
ہے کس کتاب کا یہ اقتباس چہروں پر
عجیب قسم کا موسم ادھر سے گزرا ہے
ہر ایک سمت برستی ہے یاس چہروں پر
انہیں غموں کو چھپانے کا ہے سلیقہ جو
ہنسی سجائے ہوئے ہیں اُداس چہروں پر
نہ جانے کیسی وبا آئی ہے زمانے میں
پہننا پڑتا ہے اب تو لباس چہروں پر
ولاء ثمر ہے مِرے دل کی کاوشوں کا یہی
سکون لاتی ہوں میں بدحواس چہروں پر
ولاء جمال العسیلی
No comments:
Post a Comment