عشق کی گم شدہ منزلوں میں گئی
زندگی لوٹ کر دلدلوں میں گئی
یاس و حسرت بھری بے اماں زندگی
آس کے ریشمی آنچلوں میں گئی
وہ صدا جو فغاں بن کے اٹھی مگر
خامشی کے گھنے جنگلوں میں گئی
تم سے ہو کر جدا یک نفس دوستو
زندگی مرگھٹوں ،دلدلوں میں گئی
کون جانے کہ اڑتی ہوئی دھوپ بھی
کس طرف کون سی منزلوں میں گئی
صبح دم رنگ نکھرا ہر اک شاخ کا
روشنی شبنمی کونپلوں میں گئی
کشور ناہید
No comments:
Post a Comment