بابے کی ہٹی
میں جب چھوٹا بچہ تھا
بابے کی ہٹی پر
ایک پڑوپی گندم سے
مُٹھی بھر نُگدی، پھلیاں اور مکھانے مل جاتے تھے
خوشیاں اتنی سستی تھیں
یونہی پڑی ہوتی تھیں
غم بھی جانے انجانے کسی بہانے مل جاتے تھے
بابے کی اولاد سیانی نکلی
دُور دساور سے مال کمایا
واپس آ کر
ہٹی سے اسٹور بنایا
خوشیوں اور غموں کو
قیمت کا ٹیگ لگایا
میں اور میرے بچے اب
کریڈٹ کارڈ سے شاپنگ کرتے ہیں
نصیر احمد ناصر
No comments:
Post a Comment