مِرا حق مان کر بن تو مِرا حاجت روا ہونا
کہ میں مانے ہوئے ہوں اے خدا تیرا خدا ہونا
تجھے سمجھے ہوئے میں ہمیشہ سے ہمیشہ تک
نہ جانوں ابتداء ہونا،۔ نہ مانوں انتہا ہونا
خرد کو عجز زیبا ہے ادب سے دم بخود ہو کر
کہ تیری معرفت تک غیر ممکن ہے رسا ہونا
خطا سے پیشتر میں ہوں خطا کا معترف یا رب
بشر ہوں اور نہیں ممکن بشر کا خطا ہونا
میں کیوں محروم رکھوں تیرے وصفِ عفو سے تجھ کو
نہیں منظور یا رب مجھ کو اپنا پارسا ہونا
الٰہی عفو کرنا شوقؔ پر جو قرض رہ جائے
ہیں اتنے حق تِرے دشوار ہے جن کا ادا ہونا
شوق قدوائی
No comments:
Post a Comment