شب کے ٹوٹے ہوئے تارو یہ بتاؤ مجھ کو

 شب کے ٹوٹے ہوئے تارو یہ بتاؤ مجھ کو

نیند کس راہ پہ ہے آج کی شب میرے سوا

دھڑکنیں مات ہوئیں،۔ دل مِرا سُونا سُونا

روح بے روح بہت، کون یہاں تیرے سوا

شب کے رستوں پہ کدھرجاؤں، مِرا کوئی نہیں

ہر طرف گھور اندھیرا ہے، یہاں میرے سوا

شب کی بے آواز کرب، اس کے تقدس کی قسم

کس کا سر ہے مِرے شانوں پہ یہاں تیرے سوا

دردِ دل بھی حذف،۔ روح قذف، ذہن قضا

بے کسی کھا گئی یوں جسم کو بھی میرے سوا 

تقی حسن