جائزہ
بات دل جلانے کی
بے وجہ ستانے کی
زخمِ دل لگانے کی
اور مجھے گرانے کی
اپنا یا پرایا ہو
دوست ہو یا دشمن ہو
سالِ نو ہو یا کوئی
زندگی کا گزرا پل
کچھ منافقوں کےساتھ
حاسدوں کے گھیرے میں
طنزیہ نگاہوں میں
مارِ آستیں ہیں جو
غرض کے پجاری ہیں
وقت اب بھی گزرے گا
میرا ایک جیسا ہی
ہاں مگر مقدر نے
مجھ کو چند ایسے لوگ
بخش کر
جو ہیں دل کے سچے
اور پیار کرنے والے ہیں
اب مجھے یقیں ہے
ان کے ساتھ میرا
وقت خوب گزرے گا
اور یہ برس آخر
مجھ پہ مہرباں ہو گا
تسلیم اکرام
No comments:
Post a Comment