لو بھلا یہ کوئی کرایہ تھوڑی ہے

 تاوان

یہ کس نے کہہ دیا کہ

تم کو 24 گھنٹے خوبصورت ہی دِکھنا ہے

نیند سے جاگتے سمے بھی کلوپیٹرا لگنا ہے

لو بھلا یہ کوئی کرایہ تھوڑی ہے

جو تم کو عورت نام کے مکان میں رہنے کی مد میں 

ادا کرنا پڑے گا

تم نے ٹھیکہ نہیں لیا ہوا کہ

ہر وقت فاؤنڈیشن کی دس تہیں چڑھا کر

اور لال لپ اسٹک لگا کر

آنکھوں کی راحت کا سامان کرتی رہو

تمہارے چہرے کے مساموں کو بھی 

آکسیجن کی ضرورت ہے

سو

دل نہ کرے تو بال مت کھولنا

دل نہ کرے تو فیئرنیس کریم مت ملنا

دل نہ کرے تو

سن 2020 میں 2020 کا فیشن مت کرنا

ٹھوڑی پر نکلے ہوئے دانے کو

اور آنکھوں کے نیچے پڑے ہوئے حلقوں کو

کینسل کرنے کی کوشش مت کرنا

دل نہ کرے تو کچھ بھی مت کرنا

تم کوئی مینی کوین نہیں

کہ ہمیشہ ایک سی پوزیشن میں رہو

جیتی جاگتی سانس لیتی انسان ہو

اپنی تمام امپرفیکشنز کے ساتھ بھی پرفیکٹ

چلو اپنی خامیوں کے ساتھ خوش رہنا سیکھتے ہیں

چلو فیئر اینڈ لولی کو کوڑے کے ڈبے میں پھینکتے ہیں

چلو ریس سے نکل کر واک کرتے ہیں

رفعت جبیں