آم جو کھائے وہ للچائے
جو نہ کھائے وہ پچھتائے
بھینی بھینی خوشبو آئے
جو سب کے ہی من کو بھائے
لنگڑا چونسہ اور دسہری
کوئی نہیں ہے ان کا بیری
سونے جیسی رنگت ان کی
ڈالی ڈالی سنگت ان کی
ابا جب بازار کو جاتے
ٹوکری بھر آموں کی لاتے
سارے پھلوں کا آم ہے راجا
کچا پکا سب کا کھاجا
خوشبو اس کی بھینی بھینی
میٹھا گُڑ ہے میٹھی چینی
خود کھائیں اوروں کو کھلائیں
کھانے سے جی بھر نہ پائیں
سب سے اچھی بات یہ ہی ہے
گرمی کی سوغات یہ ہی ہے
عفت زریں
No comments:
Post a Comment