مِری جانب منافق کے اگر دیکھے بڑھے بازو
مِرے دشمن کے بچے ہی مِرے اکثر بنے بازو
فقط اتنی نشانی ہے بھروسے کے شہیدوں کی
کھلی آنکھیں، جمے آنسو، کٹے پاؤں، جلے بازو
مِرے دشمن تسلی رکھ، تِری مشقِ ستم کو پھر
میں آؤں گا ذرا سی لوں پھٹا سینہ، کٹے بازو
ہنسی رکتی نہیں میری، میں جب سنتا ہوں یہ جملہ
تِرے بازو، مِرے بازو، مِرے بازو، تِرے بازو
کوئی تعبیر بتلائے مجھے کیوں اپنے دشمن کی
نظر آتی ہے خوابوں میں جھکی گردن بندھے بازو
کہیں بھی جب نظر آئے، سمجھ لینا وہ دانش ہے
جھکی آنکھیں، رکے آنسو، کشادہ دل، کھلے بازو
دانش عزیز
No comments:
Post a Comment