ہاں یہی محبت ہے
وقت کے سمندر میں
طوفان کتنے آئے ہیں
اور کتنے آئیں گے
سب سے بچ نکلنا ہے
اور تیرے میرے درمیاں
رشتہ جو دعا کا ہے
اسے بچا کے رکھنا ہے
ہاتھوں کی لکیروں میں
سنو جاناں! آنکھوں کی دہلیز پر
خواب بہت لمبے ہیں
اور آنکھوں کی پلکوں کی دہلیز پر
ان کے نقش بہت گہرے ہیں
سنو! ان خوابوں کو آبلہ پا رہنے دو
اور جذبوں کو عذابِ ہجر سہنے دو
لیکن، سنو تو
دن کی سنہری دھوپ میں
کسی پری کے روپ میں
کسی لمحے کی اوٹ میں
ہاتھ تیرا تھام کر
تم سے بس یہ کہنا ہے
تم سے مل کر یہ جانا
قلبِ جاں کو راحت ہے
ہاں یہی محبت ہے
سفینہ چودھری
سفینہ سلیم صفی
No comments:
Post a Comment