چراغ زیست ہے بجھنے کو ہائے نا کیجئے

 چراغِ زیست ہے بجھنے کو ہائے نا کیجیۓ

قضا کی سیج پہ اب اور نا خطا کیجیۓ

نہ کارِ خیر کِیا جس نے زندگی میں کوئی

وہ کہہ رہا ہے بخشش کی اب دُعا کیجیۓ

لِکھے کو گر نہ بدل پاؤ زورِ بازو سے

لِکھے ہوئے پہ ہی پھر آپ اکتفا کیجیۓ

بدی کے ساتھ ملے گی وہیں بھلائی بھی

ذرا خیال سے ان میں سے اک چُنا کیجیۓ

یہ دل ہے کہنے کو اپنا مگر نہیں اپنا

سُنے نہ بات ہماری تو ہائے کیا کیجیۓ

وہ جس کے ہجر میں صحرا نورد خود کو کیا

وہ کہہ رہا ہے تجویز اب سزا کیجیۓ

ہوا کے دوش پہ ہر روز بھیجتا ہوں پیام

لگا کے کان اسے بھی کبھی سنا کیجیۓ

ہمارے دُکھ کا مداوا ہے آپ کی اک دِید

کبھی کبھار سہی آپ بس ملا کیجیۓ

تِرے بغیر جو گزری وہ زندگی کب تھی

حیاتِ نو ہی بدلے میں اب عطا کیجیۓ

مِرے جنوں نے دھاری سراب کی صورت

میں کون ہوں، کیا ہوں، اتا پتا کیجیۓ؟

ہمارے دل میں بستا ہے رب بھی تیرے سوا

خدارا! توڑنے کی اس کو نا خطا کیجیۓ

لگائی آگ ہو گھر میں سہیل! اپنوں نے

بُجھانے آئیں وہی ہائے پھر تو کیا کیجیۓ

خدایا! بخش دے کوتائیاں سہیل کی اب

نظرِ کرم کی ہم پر بھی تو عطا کیجیۓ

خرم سہیل