وطن کے لیے دعائیہ نظم
اے وطن تُو سلامت رہے قیامت تک
اے خدا بے اثر ہے ہر فریاد
میری ملت کو حُبِ ملت دے
یا یہ گویائی چِھین لے مجھ سے
یا میری قوم کو سماعت دے
تعصب کے لبادے اس طرح سے
ہماری روح پر جُھولے ہوئے ہیں
ہمیں گو یاد ہیں اپنی زبانیں
محبت کی زباں بُھولے ہوئے ہیں
زلزلوں کی نہ دسترس ہو کبھی
اے وطن تیری استقامت تک
ہم پہ گزریں قیامتیں لیکن
تُو سلامت رہے قیامت تک
صہبا اختر
No comments:
Post a Comment