عارفانہ کلام حمد نعت منقبت
فن اگر تائب سا اور تاثیر مظہر سی مِلے
نعت کے لفظوں سے کیوں خوشبو نہ عنبر سی ملے
چُوم لیتا ہوں تصور میں ہر ایسی آنکھ کو
جو کہ دیدارِ مدینہ کے لیے ترسی ملے
سامنے ہر پل رہے چوکھٹ رسول اللہؐ کی
غیر ممکن ہے، کہیں خیرات اس در سی ملے
نعت کہتا ہوں تو رہتا ہوں حِصارِ نعت میں
سر پہ بھی سایہ فگن رحمت کی چادر سی ملے
والضحیٰ چہرہ ہے، گیسُو آپﷺ کے والیل ہیں
کیسے جگ میں پھر مثال اس رُوئے انور سی ملے
ہے سفر طیبہ کا نازش اس سے بڑھ کر مانگیے
یوں نہ کہیے ہر سہولت ہم کو بس گھر سی ملی
حنیف نازش قادری
No comments:
Post a Comment