جو کچھ ہے کائنات میں ان کی رضا سے ہے

 عارفانہ کلام حمد نعت منقبت

جو کچھ ہے کائنات میں اُن کی رضا سے ہے 

جو مجھ کو مل رہا ہے وہ اُن کی عطا سے ہے 

نیزے پہ سر تھا اور تھا قرآں زبان پر 

یوں انتہائے عشق بھی کرب و بلا سے ہے 

بگڑی سنور ہی جاتی ہے اِس کے طفیل سے

نسبت جو ایک مدحتِ خیرالوریٰؐ سے ہے 

بن جاؤں میں بھی خاک مدینے کی ایک دن

آغاز ہر سحر کا اِسی اک دعا سے ہے 

خوشبو جو آ رہی ہے درو بام سے مِرے 

یہ سلسلہ تمام درِ مصطفیٰؐ سے ہے

امن علی امن