حب احمد سے آیا قرینے میں دل

 عارفانہ کلام حمد نعت منقبت

حُبِ احمدﷺ سے آیا قرینے میں دل 

اب ہے دل میں مدینہ، مدینے میں دل 

دل کی قیمت بڑھانے کو رکھوا دیا 

میں نے عشقِ نبیؐ کے خزینے میں دل

قافلہ طیبہ جاتا ہوا دیکھا تھا 

اب نہیں مل رہا میرے سینے میں دل 

جوں جوں آتا ہے نعت نبیؐ کا خیال 

آتا جاتا ہے خود ہی قرینے میں دل 

روح طیبہ میں ہے جسم بھی لے چلو

بس لگے گا اسی طور جینے میں دل 

عمر بھر کا وطن اب کسے یاد ہے

لگ گیا ایسا طیبہ، مہینے میں دل

شہزاد شاذ