عارفانہ کلام حمد نعت منقبت
ثنائے مصطفیٰﷺ لکھنے سے پہلے
کرو سجدہ ادا لکھنے سے پہلے
اس آئینے میں عکسِ کبریا ہے
سنبھل کر دیکھنا لکھنے سے پہلے
نمازِ عشق ہے ذکرِ محمدﷺ
وضو کر لو ذرا لکھنے سے پہلے
محمدﷺ ہی محمدؐ لکھ رہا ہے
نجانے کیوں خدا لکھنے سے پہلے
خدا کے قہر کو ملحوظ رکھنا
نبیؐ کو اپنا سا لکھنے سے پہلے
لکھوں گا حمد میں نعتِ محمدﷺ
ارادہ کر لیا لکھنے سے پہلے
بتا لکھے گا کیسے نعت کاشف
تھا میرا واہمہ لکھنے سے پہلے
کاشف حیدر
No comments:
Post a Comment