رب کی عطا ہیں مصطفیٰ شاہ امم شاہ زماں

 عارفانہ کلام حمد نعت منقبت

رب کی عطا ہیں مصطفیٰﷺ، شاہِ اُمم شاہِ زماں

روشن ہوئے ہیں آپؐ سے کون و مکاں سے لامکاں

آپﷺ کی آمد اس جہاں میں ہے اک نعمتِ یزداں

واری گئی ساری زمین صدقے ہوئے سات آسماں

ذرہ ذرہِ کائنات مہک رہا ہے آپﷺ سے

اے نسیمِ گُل رُخاں، اے بہارِ گلستاں

ہر ایک مرض کی دوا، ہے آپﷺ کا دستِ شفا

سرکارِ دو عالمؐ ہیں رابطہ خلق اور خالق کے درمیاں

خیرالامین، خیرالبشر، آپﷺ کے اخلاق سب سے برتر

اے حبیبِﷺ کبریا، محبوبِﷺ ربِ ہر دو جہاں

یا خاتم الانبیاءﷺ، رہبرِ کامل، خیرالوریٰﷺ

نورِ ہدایت، نورِ حق، ہادیٔ انس و جاں

یا رحمت اللعالمین، شافعِ محشر، سرورِ دین

ذاتِ اقدس آپؐ کا رتبہ لفظوں میں ہوں کیسے بیاں

سعدیہ زاہد