عارفانہ کلام حمد نعت منقبت
پارسائی حضورﷺ کا صدقہ
یہ کمائی حضورﷺ کا صدقہ
میرے لب پر ہیں نور کے دانے
لب کشائی حضورﷺ کا صدقہ
مجھ کو منزل کا راستہ جو ملا
یہ بھلائی حضورﷺ کا صدقہ
میرے گھر میں مہک ہے نورانی
انتہائی حضورﷺ کا صدقہ
تم نے سمجھا ہے کالی کملی جسے
یہ رضائی حضورﷺ کا صدقہ
میں ہوں محتاج بارگاہ حبیب
فن رسائی حضورﷺ کا صدقہ
کل تلک میں غموں کا قیدی تھا
ہے رہائی حضورﷺ کا صدقہ
شاعروں میں صبا شمار ہوا
یہ گدائی حضورﷺ کا صدقہ
علیم صبا نویدی
No comments:
Post a Comment