عارفانہ کلام حمد نعت منقبت
نعت نبیؐ کی بزم میں خوشبو بکھیر کر
باطل توجّہات کو پل بھر میں زیر کر
ناموسِ مصطفیٰؐ پہ جو آئے ذرا بھی آنچ
جان و جہاں لٹانے میں بالکل نہ دیر کر
کاغذ پہ میں نے احمدِؐ مرسل جہاں لکھا
ہالہ بنا دیا ہے فرشتوں نے گھیر کر
تُو داستانِ بدر و حُنین و اُحد سُنا
گیدڑ جو ہو گئے ہیں انہیں پھر سے شیر کر
مدحِ رسولِ پاکؐ سے زُلفِ ادب سنوار
نُورِ رسولِ پاکؐ سے شب کو سویر کر
آقاؐ کی نذر کر دیا کاشف نے جان و دل
اپنی نگاہ سارے زمانے سے پھیر کر
کاشف شکیل
No comments:
Post a Comment