جو دکھائے نہ تماشے وہ تماشے والا
یہ جو سرکس ہے یہ سرکس نہیں چلنے والا
اُڑتے پِھرتے ہوں پرندے یا ہوں پنجرے میں قید
حال جانے ہے کِھلونوں کا کِھلونے والا
یہ نہ سمجھو کہ گیا بھول بنا کر دنیا
ہر خبر میلے کی رکھتا ہے وہ میلے والا
جِتنی حصے میں ہے شہرت تِرے مِل جائے گی
لاکھ جلتا رہے تجھ سے کوئی جلنے والا
رقص ہم نے بھی زمیں! ساتھ کیا ہے تیرے
ہاتھ تب آیا ہے سورج یہ چمکنے والا
چاند پر پہنچے، سِتاروں کو بھی ہم چھو لیں سیف
خواب دیکھیں چلو ایسا کوئی زینے والا
محمد سیف بابر
No comments:
Post a Comment