سلام اس پہ جو نور حق ہے

 عارفانہ کلام حمد نعت منقبت

سلام اس پہ

تمام نوعِ بشر کے حق میں جو اک دعا ہے

سلام اس پہ

جو اک عطا ہے

خدائے برتر کی نعمتوں میں

ہر ایک نعمت سے جو سوا ہے

سلام اس پہ جو مسکرا کے

بتا رہا ہے؛ حیات کیا ہے

تمام یہ کائنات کیا ہے

کمال ہے جو وہ ذات کیا ہے

سلام اس پہ

جو قلب و جاں کی ہر ایک الجھن مٹا رہا ہے

جو ظلمتوں کو شکست دے کر

نفس نفس میں سما رہا ہے

سلام اس پہ

جو نورِ حق ہے

سلام اس پہ

جو سب کا پیارا ہے، مصظفیٰ ہے

صائمہ خیری