عارفانہ کلام حمد نعت منقبت
سارے عالم کے غمگسار سلام
آپﷺ پر جان و دل نثار سلام
چاند ٹکڑے ہو اک اشارے پر
ایسے مولا پہ بے شمار سلام
سارے نبیوں کے آپ ہی ہیں امام
ہم کریں کیوں نہ بار بار سلام
دل میں حسرت یہی ہے بس میرے
پڑھ لوں روضہ پہ ایک بار سلام
آپ کی رکھ لوں سر پہ میں نعلین
میں بھی بن جاؤں تاجدار سلام
لاج رکھیے ہماری محشر میں
کرتے ہیں ہم گناہ گار سلام
سوئی تقدیر جاگ جائے مِری
راہی کرتا ہے لاکھ بار سلام
رشید راہی اٹاوی
No comments:
Post a Comment