گو ہمیں حاصل جو تھی وہ تن آسانی گئی

گو ہمیں حاصل جو تھی وہ تن آسانی گئی

دوستو! لیکن تمہاری ذات پہچانی گئی

باغباں بدلا تو ہم سمجھے پریشانی گئی

خیر، جلدی ہی یہ خوش فہمی یہ نادانی گئی

جا رہے ہیں دوست یوں آنکھوں میں آنکھیں ڈال کر

جس طرح ان سے مِری صورت نہ پہچانی گئی

کیوں ہمیں بدنام کرتا ہے زمانہ، پوچھیے

کوئی خط پکڑا گیا،۔۔ تحریر پہچانی گئی؟

کِرکِری محسوس کی خود رجعتی لوگوں نے شادؔ

گردِ صحرائے تغزل اس قدر چھانی گئی

شاد عارفی