وفا کو پردۂ محرومئ دوام کیا
تمام عمر تِرے غم کا احترام کیا
انہیں نقاب اٹھانا بھی ہو گیا دشوار
کچھ اس طرح سے نگاہوں نے اژدہام کیا
خوشا وہ دردِ محبت کہ جس نے خود بڑھ کر
رہِ طلب میں کہاں امتیازِ دیر و حرم
جہاں کسی نے صدا دی، وہیں قیام کیا
ہزار جان فدا اس شہید پر جس نے
تِری نگاہ کو شمشیرِ بے نیام کیا
مزاجِ حسن کم آمیز، عشق کم اظہار
فسانۂ غمِ پنہاں کو کس نے عام کیا
خمارِ تشنگئ شوق کم نہ تھا اے دل
تمام عمر عبث انتظارِ جام کیا
دلِ روشؔ کو تِرے انتظار نے اے دوست
چراغِ صبح کیا، آفتابِ شام کیا
روش صدیقی
No comments:
Post a Comment