پیش نظر ہے عشق تو ہرگز دعا نہ مانگ

پیشِ نظر ہے عشق تو ہرگز دعا نہ مانگ

قرباں ہو شمعِ حسن پہ اور خوں بہا نہ مانگ

ترکِ خودی کو ترک خدایا کہ ترکِ ترک

عاشق ہے  بے غرض تو کوئی مدعا نہ مانگ

آنکھوں ہی آنکھوں میں لبِ فریاد پیش کر

کچھ بھی تو آشنا سے بجر آشنا نہ مانگ

عرضِ نیازِ عشق میں ہر دم شہید رہ

بندہ ہے تُو تو مرتبۂ کبریا نہ مانگ

بے تابیاں ہیں آئینۂ جنبشِ حیات

ناسور دل کا چھیڑتا رہ اور شفا نہ مانگ

لبیب تیموری