اللہ ہووے بلبلِ ناشاد کی طرف
گلچیں جو بولتا ہے تو صیاد کی طرف
برسوں سے قدِ یار کا مضموں نہیں بندھا
مدت ہوئی گئے نہیں شمشاد کی طرف
چلنے میں کی جو شوقِ شہادت نے رہبری
نکلا ہے تیری زلف کا جب سے کہ سلسلہ
آوازے ہیں اسیروں کے آزاد کی طرف
گردوں سے چاہتے ہیں یہی ہم گناہ گار
منہ سُوئے قبلہ، آنکھیں ہوں جلاد کی طرف
عاشق ہیں محوِ حسن، جو چاہو ستم کرو
کس کا خیال جاتا ہے، بے داد کی طرف
بیت الحزن میں میرے وہ یوسف کرم کرے
شادی کا بھی گزر ہو غم آباد کی طرف
جوشِ جنوں ہے موسمِ گل کا ہے زور و شور
سودائی کھنچے جاتے ہیں فساد کی طرف
دھوکا دیا ہے دام نے کس گل کی زلف کا
بلبل اشارے کرتے ہیں صیاد کی طرف
آتشؔ یہ وہ زمین ہے کہ جس میں شفیقِ من
سوداؔ ہوا ہے میرؔ سے استاد کی طرف
خواجہ حیدر علی آتش
No comments:
Post a Comment