اداس لوگوں کے غم مٹانا کوئی تو سیکھے

 اداس لوگوں کے غم مٹانا کوئی تو سیکھے

خزاں رُتوں میں بہار لانا کوئی تو سیکھے

یہ لوگ اپنی انا کی خاطر سُلگ رہے ہیں

کسی کے دُکھ میں جگر جلانا کوئی تو سیکھے

جسے بھی دیکھا وہ چڑھتے سورج کا ہے پُجاری

اندھیری راتوں سے دل لگانا کوئی تو سیکھے

کسی نگر میں کسی جگر میں وہ رہتے ہوں گے

وفا کے نغموں کو ڈھونڈ لانا کوئی تو سیکھے

نکھارتے ہیں جو اُجڑے گلشن کی ٹہنی ٹہنی

گلاب جیسا یہ مسکرانا کوئی تو سیکھے

لکھوں گا ایسا فسانہ ارماؔنی زندگی کا

حقیقتوں سے نظر ملانا کوئی تو سیکھے

زرین ارمانی