ہر چند ہم نے اپنی زباں سے کہا نہیں

 ہر چند ہم نے اپنی زباں سے کہا نہیں

وہ حال کون سا ہے جو تُو نے سنا نہیں

ایسا بھی اب نہیں ہے کہ نازِ صبا اٹھائیں

محفل میں دیکھتا ہے تو پہچانتا نہیں

یوں بھی ہزار روگ ہیں دل کو لگے ہوئے

پھر اس پہ یہ ملال کہ وہ پوچھتا نہیں

کتنا دیارِِ درد کا موسم بدل گیا

تجھ کو نگاہِ ناز ابھی کچھ پتہ نہیں

تُو بدگماں سہی پہ کبھی مل سلیم سے

یہ امرِ واقعہ ہے کہ دل کا بُرا نہیں

سلیم احمد