بٹھلا کے اسے جس میں یہ دل ہو گیا روگی
پھرتی ہے نِگہ میں ابھی گاڑی کی وہ بوگی
کیا اب بھی بچھڑ جاؤں گا میں تجھ سے مِلے بِن
کیا اب بھی سَپھل تیری مِری پرِیت نہ ہو گی
دل تُو نے دیا تھا کسے؟ پہچان لے جا کر
جنگل سے پلٹ آئے ہیں پھر گاؤں میں جوگی
کچھ بھی نہیں سینوں میں یہ چاہت کی دُکھی لَے
آواز ہے آواز پہ گر کان دھرو گی
کلپائے گی پَل پَل تمہیں رُت اجڑے بنوں کی
تنہائی میں جب جب مِرے اشعار پڑھو گی
پیڑوں پہ پڑیں گے جونہی ساون کے ہنڈولے
لوٹ آؤں گا میں، مجھ کو اگر یاد کرو گی
سید ناصر شہزاد
No comments:
Post a Comment