فصیلِ جاں مجاز کی حقیقتوں پہ دم بخود
نیزہ و تیغ میں چھپی عنایتوں پہ دم بخود
نشانِ خوشدلی ملا کیا تھا خامشی سے ہی
بصارتوں کی چیختی وضاحتوں پہ دم بخود
ہے بندگی فہم رسا نیابتوں کی روشنی
مروتوں کے سوگ میں ہے نخوتوں پہ دم بخود
خیالِ رونمائئ درونِ خانہ ہیچ ہے
سماعتوں سے ماورأ سبھی بُتوں پہ دم بخود
جبیں نیازمند تھی، جُھکی رہی تھی اب تلک
اُٹھی تو اک جہاں ہوا بشارتوں پہ دم بخود
کمال محفلوں کا ہی ہے پردۂ طہور میں
طہارتیں بھی ہو چکی ہیں خلوتوں پہ دم بخود
یہ کِذب غیر آگہی سے اس طرح جُدا ہوا
کہ ہم سے خوش فہم ہوئے صداقتوں پہ دم بخود
تمام عمر کوششیں رہیں کہ منزلیں ملیں
زوال کے دنوں میں ہیں ریاضتوں پہ دم بخود
فاطمہ سید
No comments:
Post a Comment