آنکھ کا ٹکڑا ہجر کے بَل پر کتنی بغاوت کر سکتا ہے
چیخ کے زندہ رہ سکتا ہے، وصل علامت کر سکتا ہے
تم کیا جانو؟ تم نے نیند کو بند آنکھوں سے دیکھا ہے
خواب کے ہاتھ سے چُھوٹا لمحہ کیا کیا وحشت کر سکتا ہے
وقت ملے تو گھر کی فالتو چیزوں پر بھی غور کرو تم
بیتے وقت کا کوئی کیلنڈر تم کو ملامت کر سکتا ہے
تنہائی کے حبس سے ڈر کر ہم نے عشق ایجاد کیا
روح کے جذبے کتنے سچ تھے جسم وضاحت کر سکتا ہے
عکسِ شجر پر چڑھتی تنہائی کی بیلیں پُھوٹ پڑیں
خوفِ خدا بن کر کوئی انجیل تلاوت کر سکتا ہے
حسن ارشاد
No comments:
Post a Comment