آج کے دور میں چپ رہنا بھی رسوائی ہے

آج کے دور میں چُپ رہنا بھی رُسوائی ہے

ہم زباں کھولیں تو کہتے ہیں کے بلوائی ہے

جب کبھی گردشِ دوراں نے چلایا جادو

کام اس وقت مِرے ماں کی دُعا آئی

آپ کے تلخ ارادوں سے یہ ہوتا ہے گُماں

آپ نے مجھ کو مِٹانے کی قسم کھائی ہے

کیوں نکل سکتے نہیں دورِ خرافات سے ہم

رسمِ بیہودہ نے کیا بیڑیاں پہنائی ہے

رب کے ہوتے ہوئے کیوں غیر کے در پر جاؤں

جبکہ وہ بھی تو مِرے رب کا ہی شیدائی ہے

چھوڑ کر چل دئیے سب راہِ سفر میں افسوس

کل بھی تنہائی تھی اور آج بھی تنہائی ہے

لوگ اچھوں کو بھی کہتے نہیں اچھا حیرت

اس لیے آج بُرے لوگوں کی بن آئی ہے

خلیل حیرت