امتحاں در امتحاں تقسیم بابِ زندگی
دیکھنے میں کتنا دلکش ہے سرابِ زندگی
زندگی بے مول بے مایہ ہوئی ہے اس قدر
خون سے لکھا گیا ہے انتسابِ زندگی
روشنی تھوڑی سے دامن میں بچا لینا ضرور
کیا خبر، ڈھل جائے کب یہ آفتابِ زندگی
ہر گزرتا سال ہے جیسے پلٹ جائے ورق
ختم ہوتی جا رہی ہے یوں کتابِ زندگی
وقت ہی کب ہے کہ دیکھیں عشق میں سُود و زیاں
جب ملی فُرصت تو کر لیں گے حسابِ زندگی
بابر شکیل ہاشمی
No comments:
Post a Comment