عارفانہ کلام حمد نعت منقبت
دلوں کی تہہ میں پوشیدہ محبت دیکھنے والا
وہ محبوبِ خداﷺ جذبوں کی وسعت دیکھنے والا
جہاں میں سننے والا ان کہے الفاظ چاہت کے
وہی ہے اَن لکھے حرفِ ارادت دیکھنے والا
مکان و لامکاں کی شوکتیں زیرِ قدم اس کے
وہ موجود و عدم کی ہر ولایت دیکھنے والا
نہ جھپکی آنکھ جس کی روبروئے جلوۂ باری
سرِ قوسین ذاتِ ربِ عزت دیکھنے والا
شبستانِ حِرا کیوں کر نہ بنتا مرکزِ عرفان
کہ ہے پہلے پہل نورِ نبوتؐ دیکھنے والا
حفیظ تائب
No comments:
Post a Comment