اے عشق نبی میرے دل میں بھی سما جانا

 عارفانہ کلام حمد نعت منقبت

اے عشق نبی میرے دل میں بھی سما جانا

مجھ کو بھی محمدﷺ کا دیوانہ بنا جانا

وہ رنگ جو رومی پر جامی پہ چڑھایا تھا

اس رنگ کی کچھ رنگت مجھ پہ بھی چڑھا جانا

قدرت کی نگاہیں بھی جس چہرے کو تکتی تھیں

اس چہرہ انوارﷺ کا دیدار کرا جانا

جس خواب میں ہو جائے دیدار نبی حاصل

اے عشق کبھی مجھ کو نیند ایسی سلا جانا

دیدار محمدﷺ کی حسرت تو رہے باقی

جزا سکے ہر اک حسرت اس دل سے مٹا جانا

دنیا سے ریاض! ہو جب عقبٰی کی طرف جانا

داغ غم احمدﷺ سے سینے کو سجا جانا

ریاض الدین سہروردی