چاندنی میں کتاب پڑھتے ہیں
ہم رخِ لاجواب پڑھتے ہیں
اس کی آنکھیں طلسم کے اوراق
جِن کو خانہ خراب پڑھتے ہیں
وہ جو آیت کی شکل میں پہنچی
با وضو، بے حساب پڑھتے ہیں
اس کے ہونٹوں پہ ہے حیا، شبنم
کیسے مے کش شراب پڑھتے ہیں
ابر و خنجر، گھٹائیں زلفوں کو
کیا کیا عالی جناب پڑھتے ہیں
تجربے کے لیے تِرے ناخن
مِرے زخم گلاب پڑھتے ہیں
روز لکھتا ہوں کیفیت دل کی
وہ اسے اضطراب پڑھتے ہیں
کہکشاں، ماہِ نو، صبا، ذاکر
سب تِرا انتخاب پڑھتے ہیں
ذاکر حسین ذاکر
No comments:
Post a Comment