بج اُٹھے ہوا کے دف وجد میں کلی آئی
زندگی کے میلے میں رقص کی گھڑی آئی
میں بھی کتنی بھولی تھی ایک لطفِ مبہم پر
رقص گہ میں گُرگابی چھوڑ کر چلی آئی
چشم و دل کے سب آنسو اس ہوا میں کھِل اُٹھے
شاخسارِ مژگاں پر رُت گُلاب کی آئی
شہر کے شگوفوں کے نِیم رس سے اُکتا کر
تازگی سے ملنے کو بَن میں تیتری آئی
اس سے قبل بھی سائے کب قریب آئے تھے
اس نئے سفر میں بھی کام دُھوپ ہی آئی
پروین شاکر
No comments:
Post a Comment