عارفانہ کلام حمد نعت منقبت
کالی کملی میں جو ذیشان نظر آتا ہے
دونوں عالم کا نگہبان نظر آتا ہے
سیدِؐ کون و مکاں تیری عطاؤں کے نثار
تیرا محتاج بھی سُلطان نظر آتا ہے
آنکھ اُٹھتی ہے تو مِلتا ہے تلاوت کا مزا
تیراﷺ چہرہ ہمیں قُرآن نظر آتا ہے
فرش پہ ٹُوٹی چٹائی ہے بِچھونا جس کا
عرشِ اعظم پہ وہ مہمان نظر آتا ہے
اِبتداء کرتا ہوں جب نامِ محمدؐ لے کر
کام دُشوار بھی آسان نظر آتا ہے
جب بھی قرآن میں پڑھتا ہوں فنا
نامِ رسولؐ مجھے اللہ کا دیوان نظر آتا ہے
فنا نظامی کانپوری
No comments:
Post a Comment