گمشدگی
ماں آسمان ہوتی ہے
نیلی چادر
اُجلی ممتا
ایثار و رنج سے تمازت زدہ
ماں آسمان ہوتی ہے
گھٹاؤں کو سموئے
خطاؤں کو دھوئے
جزاؤں کو برسے
ماں آسمان ہوتی ہے
ستاروں کی ہنسی
یادوں کی کہکشاں
اُمید کا ماہتاب
اُفق کے منچلے پن پر
تھکاوٹ کے خاتمے پر
رات کی آمد ہوتی ہے
اور دن کہیں چُھپ کر رونے لگتا ہے
ماں بھی روشنی کی طرح
اندھیرے میں بچھڑ جاتی ہے
ماں آسمان ہوتی ہے
نودان ناصر
No comments:
Post a Comment