جان غزل
اے مِری جانِ غزل آ میں تجھے پیار کروں
روزِ روشن تِرے چہرے سے اجالا مانگے
شام شرمائے تِری زلفِ دوتا کے آگے
تیری مسکان سے غنچوں کا مقدر جاگے
تجھ پہ قربان دل و جان مِرے یار کروں
اے مری جان غزل آ میں تجھے پیار کروں
تُو مِری نور جہاں، تُو مِری ممتاز محل
تیری رفتار میں جادو، تیری گفتار غزل
مرمریں جسم تیرا زندہ کوئی تاج محل
تجھ کو پانے کے لیے تیاگ یہ سنسار کروں
اے مری جان غزل آ میں تجھے پیار کروں
غوث سیوانی
No comments:
Post a Comment