سوال ہدیۂ جاں مجھ سے اور پھر پس و پیش
میں پوچھتا ہوں یہ کیا آپ کو گماں گُزرا
لبوں پہ میرے تبسم تھا ان کی آنکھیں نم
ایک ایسا لمحہ بھی وقتِ وداع جاں گزرا
اس التفاتِ فراواں کے جائے صدقے
وہ میرے پاس سے جب گُزرا سرگراں گزرا
اُلٹ کے رکھ دیا کس نے ورق بہار کا آج
چمن سے کون یہ بربادِ خانماں گزرا
اُمیدِ لُطف کجا، یہ بھی کم نہیں ہے نیاز
کہ ان کو شکوہ مِرا آج کم گِراں گزرا
نیاز فتحپوری
No comments:
Post a Comment