یوں دشتِ خواب سے تعبیر کے سراب لیے
بہا رہی ہے محبت سرِ چناب دِیے
ہم اہلِ عشق کسی نُور کے تعاقب میں
بس ایک رات کے جیون میں بے حساب جیے
کھڑے ہیں طاقِ گُماں میں بُجھے چراغ کے پاس
سِیہ غُلام ہتھیلی پہ دل گُلاب کیے
سُکوتِ شب میں خُدا سے کلام کرتا ہوں
جگر میں آگ تو آنکھوں میں سَیلِ آب لیے
وہ شاخِ گُل سا بدن خُوش خِرام نِکلا ہے
ہاں عطرِ گُل کو بھی ہمرقص و ہمرکاب کیے
یہ اوّلین محبت کے نشّہ کا سا خُمار
ہے نِیم خوابی کا عالم بِنا شراب پیے
فخر ولیم لالہ
No comments:
Post a Comment