ہر ایک عہدِ وفا ریت سا بِکھرتا ہُوا
گُزر گیا وہ ہوا کی طرح مُکرتا ہوا
خموشیوں کے سمندر میں ڈُوبتی ہوئی رات
اُداس دل میں کوئی شور سا اُبھرتا ہوا
اُمید بُنتی ہوئی رات بھر سُنہری خواب
دن اپنے ہاتھوں اُنہیں تار تار کرتا ہوا
کسی کی یاد ہر اک گام چھاؤں کرتی ہوئی
میں صحرا صحرا چلا سرد آہ بھرتا ہوا
تمام روشنی دالان میں سمٹتی ہوئی
وہ زینہ زینہ کوئی چاند سا اُترتا ہوا
منوج اظہر
No comments:
Post a Comment