عارفانہ کلام حمد نعت منقبت
روضۂ احمدِ مختارﷺ دِکھا دے یارب
بلبل زار کو گُلزار دکھا دے یارب
جن کے دیدار سے ملتا ہے دل و جاں کو سکوں
وہ حرم وہ در و دیوار دکھا دے یارب
آرزو جس کی تصور کو بھی مہکاتی ہے
وہ حسین شہر بس اک بار دکھا دے یا رب
حسرتِ دِید سے جلتی ہوئی آنکھوں پر کرم
گُنبدِ سبز کے انوار دکھا دے یا رب
اپنی رحمت سے کبھی تائب عاصی کو نواز
اپنے محبوب کا دربار دکھا دے یا رب
حفیظ تائب
No comments:
Post a Comment