دِیوار پہ بیٹھا رہوں پر باندھ کے اپنے
جِیتا ہے کوئی دستِ ہُنر باندھ کے اپنے
اغیار کا لشکر تھا مگر پِچھلی صفوں سے
شمشیر بکف آئے کمر باندھ کے اپنے
مندر کا سہارا تو پُجاری کا دِیا ہے
تُو لے جا بھلے شمس و قمر باندھ کے اپنے
مِلتے ہیں کہیں رات کی رانی سے لِپٹ کے
کچھ سانپ بھی شاخوں سے بھنور باندھ کے اپنے
تُو سنگ اُچھالے گا، مگر تیری گلی میں
آ جائیں گے ہم زخمِ جگر باندھ کے اپنے
اک روز تِرے در سے چلے جائیں گے واپس
ہم خاک بسر رختِ سفر باندھ کے اپنے
فخر ولیم لالہ
No comments:
Post a Comment