خود ہمیں مرغوب تھی جب رسمِ رُسوائی بہت
دیر تک ہنستے رہے ہم پر تماشائی بہت
جانے ساحل کی ہوا نے ریت پر کیا لکھ دیا
بادلوں کی آنکھ بھی اس بار بھر آئی بہت
سارا دن اس کو بُھلانے کی تگ و دو میں کٹا
شام کے سائے ڈھلے تو اس کی یاد آئی بہت
اپنے کاندھوں پر اٹھائے اپنی شہرت کی صلیب
در بدر ہیں اس کے کوچے کے تمنائی بہت
ہم تو سیلانی ہیں لوٹیں یا نہ لوٹیں کیا خبر؟
تُو سلامت ہے تو مل جائیں گے شیدائی بہت
شرافت عباس
No comments:
Post a Comment