عارفانہ کلام حمد نعت منقبت (حرفِ نیاز)
بخت یاور ہو اگر نعتِ پیمبرؐ لکھوں
مدحتِ سرورِ کونینؐ کے دفتر لکھوں
نوکِ مژگاں سے سرِ مطلعِ انور لکھوں
وصفِ سرکارؐ لکھوں اور مکرر لکھوں
بامِ تخیل پہ عابد ہے مزاج اپنا اِس دم
جیسے الفاظ کی دنیا پہ ہے راج اپنا اِس دم
وہ ترا فیض کہ قطرے کو سمندر کر دے
خستہ جانوں کو جو چاہے تو مظفر کر دے
اک نگہ سے ہی فقط سنگ کو گوہر کر دے
تہی دستانِ شمائل کو ابوذر کر دے
در پہ آ کر تِرے محتاج غنی ہو جائے
بوذر و قنبر و مقداد و علیؑ ہو جائے
عابد جعفری
No comments:
Post a Comment